Awe IPA a publica den Bon Dia Aruba un articulo tocante Hulandes den ensenanza Arubano. E articulo ta argumenta cu pa via cu nos muchanan ta drenta scol basico y sinja Hulandes, esaki lo duna un "schock cultural y psychologico". E articulo ta sigui bisa cu muchanan ta sinja solamente for di cabez y no ta compronde kiko nan a caba di bisa. Finalmente, e autor ta bisa cu ta contra naturaleza pa e mucha hanja les den un idioma cu no ta esun materno.
Awel si. Mi ta kere cu mi por scirbi hopi cos riba esaki, pero lo mi PURBA di tenele cortico.
Un shock cultural y psychologico? Mi Dios, ta cuanto hendenan cu ta sufriendo di trauma no ta canando rond awor riba Aruba. Paso ta generashonnan LARGO a hanja les di e forma aki. Henter mi famia tin Papiamento como nan prome idioma, y tur a hanja les na Hulandes. Pero ami nunca a tende di 'shock psychologico'.
Sinjamento di cabez ta un risico, en berdad. Pero e ora ey ta na e MAESTRO (bo sa, esun cu ta duna LES) pa wak pa esaki no pasa. Mi sa cu ta hopi anja cu mi no ta den basis mas, pero bo ta bisami cu skolnan no ta wak esaki mas? Kizas eynan mester bin un cambia.
Contra naturaleza? Ami no ta di acuerdo cu esey. Ami ta kere cu nos Rubianonan mester ta ORGUYOSO cu nos ta papia asina hopi idioma. Cu nos por hasta PENSA den dos idioma. Pero loke ami no ta compronde ta, dicon no ta exigi di nos loke a wordo exigi di nos mayornan? Pa sinja papia Hulandes bon, pa por bai dilanti. Paso loke IPA ta lubida ta cu no tin NINGUN institucion di educashon avansa (universitario) cu ta wordo duna na Papiamento.
Y ta parcemi cu IPA ta di acuerdo cu mi, paso nan website ta 90% Hulandes.
Comments